Tilrår budsjett på 62 525 000 kroner til investeringar

Kommunedirektøren tilrår å godkjenne driftsbudsjett for 2027 med kr 40 889 000 i netto driftsresultat og investeringsbudsjett på kr 62 525 000.

Tilrådinga omfattar òg bruk av høgaste skattesats vedteken av sentrale myndigheiter. For kraftverk, vindkraftverk, kraftnettet og anlegg omfatta av særreglane for petroleum er det tilrådd eigedomsskatt på kr 7,- for kvar tusen i takstverdi.

Planutvalet har samrøystes vedteke kommunedirektøren si tilråding. Utvalet føreslår også eit offentleg toalett i Hovden sentrum, dekt innanfor Hovden-ramma i budsjettet for 2027. Administrasjonen blir beden om å greie ut prosjektet og kome tilbake med plan for gjennomføring og kostnadsoverslag.

Formannskapet skal gje innstilling til kommunestyret. Innstillinga skal liggje på høyring i 14 dagar før handsaming i kommunestyret.